ویسٹ انڈیز نے تین ون ڈے میچز کی سیریز کے پہلے میچ میں 280 رنز بناتے ہوئے پاکستان کو جیت کے لیے 281 رنز کا ہدف دے دیا۔
ٹرینیڈاڈ میں کھیلے جانے والے میچ میں پاکستان نے ٹاس جیت کر میزبان ٹیم کو بیٹنگ کی دعوت دی۔ ویسٹ انڈیز کی پوری ٹیم مقررہ اوورز میں 280 رنز بنا کر آؤٹ ہوگئی۔ ایون لوئس 60 رنز کے ساتھ نمایاں بلے باز رہے۔
ویسٹ انڈیز ٹیم کے برینڈن کنگ صرف 4 رنز کے مجموعی اسکور پر آؤٹ ہوگئے اور پہلی وکٹ گرتے ہی ایون لوئس اور کارٹے کے مابین 77 رنز کی شراکت داری قائم ہوئی لیکن کارٹے 30 رنز بنا کر پویلین لوٹ گئے جبکہ لئس 60 رنز بنا کر آوٹ ہوگئے۔
ویسٹ انڈیز ٹیم کے کپتان شائے ہوپ اور روسٹن چیز نصف سینچری کی اننگز کھیل پائے جبکہ رتھرفورڈ 10، گڈاکیش موتی 31، شیمار جوزف 8 اور شیفرڈ 4 رنز بنا سکے۔
پاکستان کی جانب سے نوجوان بیٹر حسن نواز نے ون ڈے انٹرنیشنل کرکٹ میں ڈیبیو کیا۔ مینیجر نوید اکرم چیمہ نے انہیں ڈیبیو کیپ پیش کی، جب کہ ساتھی کھلاڑیوں اور سپورٹ اسٹاف نے نیک خواہشات کا اظہار کیا۔
پہلے میچ میں پاکستان کی ٹیم میں عبداللہ شفیق، صائم ایوب، بابر اعظم، محمد رضوان، سلمان آغا، حسن نواز، حسین طلعت، فہیم اشرف، شاہین آفریدی، نسیم شاہ اور سفیان مقیم شامل ہیں۔
پاکستانی ٹیم کے شاہین آفریدی نے 4 جبکہ نسیم شاہ نے 3 وکٹیں حاصل کیں، صائم ایوب، سفیان مقیم اور سلمان علی آغا نے ایک ایک وکٹ اپنے نام کی۔
