یومِ آزادی معرکہ حق کے موقع پر پاکستانی شہریوں نے وطن سے محبت کا عہد کیا ہے۔
پاکستان کا یومِ آزادی قربانی، اتحاد اور عزم و حوصلے کی روشن داستان کی علامت ہے۔ یہ دن عہد کی تجدید اور ہمارے بزرگوں کی قربانیوں کو یاد کرنے کا دن ہے۔ یومِ آزادی ہمیں بتاتا ہے کہ یہ آزادی طویل جدوجہد اور بے مثال قربانیوں کا نتیجہ ہے۔
یومِ آزادی معرکۂ حق پر مختلف شعبوں سے تعلق رکھنے والے شہریوں نے پاکستان کے لیے اپنے جذبات کا اظہار کیا ہے۔
شہریوں نے پیغام دیتے ہوئے کہا کہ پاکستان ایک چمن ہے جو ہماری شان ہے، وہ سرزمین جس سے دنیا میں ہماری پہچان ہے۔ پاکستان ہمارے بزرگوں کی قربانیوں کا ثمر ہے، اسی وجہ سے ہمارے حوصلے ہمیشہ بلند رہتے ہیں۔
ایک شہری نے کہا کہ اپنے ہنر سے وطن کا نام دنیا میں روشن کیا ہے، کوئی ہمیں کمزور نہ سمجھے۔ وقت کڑا تو آتا ہے۔ جب دل میں پاکستان لکھا ہو تو خوف دھرا رہ جاتا ہے، بند گلی کھلتی ہے اور منزل خود مل جاتی ہے۔
شہریوں نے یوم آزادی کے موقع پر اپنے جذبات کا اظہار کرتے ہوئے کہا کہ روشن کل کا سبز یقین لیے مشکل کی دیوار گرا کر آگے بڑھنا ہے ۔
